14 decembro 2021
O Nadal en Marín está a piques de inaugurar un dos seus clásicos que máis gustan aos máis pequerrechos da casa e á mocidade: as carpas Engado Marín, cheas de actividades para todas as idades coas que desfrutar durante os días de vacacións de Nadal.
A apertura das mesmas, que estarán instaladas na Alameda e no Parque Eguren, será o vernes 17. A da Alameda, destinada a público infantil, abrirá ás 17.00 horas e contará coa amenización do Coro da Escola Municipal marinense. Ás 17.30 horas, chegarán Os Bolechas á Alameda para encher Marín de dinamización infantil e media hora máis tarde, ás 18.00 horas, inaugurarase a carpa do Parque Eguren, pensada para rapaces e rapazas a partir de 12 anos.
A concelleira de Festas, Marián Sanmartín, avanzou que en ambos casos “haberá un estrito protocolo da Covid19 para poder garantir que estas actividades se desenvolvan con toda a seguridade”.
Protocolo común
En ambas carpas, haberá unha toma de temperatura antes de entrar, estaciones de hixiene á entrada de cada instalación con xel hidroalcohólico, limpeza de mans e protocolo estrito para todos os monitores e máquina de renovación de aire e de ozono, así como sinalización con carteles nos que se poden ler todas as medidas.
Ademais, o uso das mascarilla será obrigatorio, excepto para os nenos de menos de seis anos que vaian á carpa infantil, para os que só estará recomendado. Asemade, desinfectarase o material de xeito frecuente e establecéronse aforos: 160 persoas para a carpa infantil e 200 para a do Parque Eguren.
No caso da Alameda, o acceso estará restrinxido aos nenos e nenas, sen que poidan entrar familias, precisamente para poder aproveitar o aforo dispoñible e ter os grupos organizados polo amplo equipo de monitoraxe que estará ao cargo da rapazada dentro da carpa.
As quendas serán de 11.30 a 12.20, de 12.30 a 13.20, de 17.00 a 17.50, de 18.00 a 18.50, de 19.00 a 19.50 e de 20.00 a 20.50; deixando 10 minutos entre quenda e quenda para desaloxar e desinfectar.
No caso do Parque Eguren, non haberá quendas estipuladas, pero poderán establecerse no caso de que o equipo de monitores e de organización o considere preciso para velar polo cumprimento do aforo en todo momento. O horario no caso desta carpa será de 12.00 a 14.00 e de 17.30 a 21.30 horas.
En ambos casos, as carpas estarán pechadas os días 25 e 1, e só abrirán pola tarde o 20, 21 e 22 de decembro.
Ludoteca e xogos hinchables para os pequenos, xogos de mesa e scape room para os maiores
A carpa da Alameda contará cunha ludoteca, hinchables de todo tipo, un espazo destinado a parque de aventura e un circuito de educación vial.
Pola súa parte, a carpa do Eguren terá scape room, simuladores 3D, un circuito de drons para probar o uso destas ferramentas, cinco mesas con xogos como o Jungle Speed, o parchís, as damas ou o Jenga, billares e futbolíns.
Máis actividades o venres: suspéndese o concerto da ENM
Ademais da apertura das carpas, ás 18.00 as ONGs volverán facer chocolatada solidaria na Alameda e haberá ás 19.00 concerto da Banda de Música Musimarín.
Sen embargo, tal e como informou a Escola Naval Militar, suspéndese o concerto da Banda, debido ás dificultades de facelo ampliamente no Multiusos dado o elevado número de participantes entre banda e coro.
